Aðvörun Lesist strax þetta er alvarlegt og snertir þig

 Ef þú færð sent umslag eða tölvupóstur frá samtökum sem kallast"Ríkisskattstjóri"SKALT ÞÚ EKKI OPNA ÞAÐ!!.
Þessi hópur manna ("Ríkisskattstjórahópurinn",
skammstafað RSK) er með stórt svindl í gangi á þessum tíma árs á hverju ári. þ.e í mars
Í bréfi þeirra krefja þeir þig um upplýsingar um tekjur, eignir og útgjöld í þeim tilgangi að hafa af þér peninga sem þeir kalla ýmist "skatta" eða "opinber gjöld" eða "álagningu". Þessa peninga segja þeir munu notaða til þess að standa undir nauðsynlegum ríkisrekstri.
Það er lygi! Peningarnir fara í ýmis verkefni og bitlinga fyrir menn þessa hóps, félaga og fjölskyldur þeirra og til fyrirtækja sem keppa við þitt fyrirtæki og þrífast á ríkisstyrkjum, auk listamanna sem geta ekki selt verkin sín.Þessi samtök eru í tygjum við önnur samtök sem
kallast "Sveitarfélög" sem einnig stunda svindl af sama tagi og í samstarfi við RSK og hafa einnig haft milljarða króna af saklausum almenningi Þessir blekkingamenn hafa blekkt peninga úr ótrúlegum fjölda heiðarlegra íslenskra launþega og er ekki um neinar smáupphæðir að ræða!

EKKI LÁTA BLEKKJA ÞIG!

 

 

 ps þetta er stolið :P

Athugasemdir

[Saumakonan, 1.3.2007 kl. 22:36]

Issss opna mitt ekkert.... hendi bara kvittunum og dóti í annað umslag og sendi beint til endurskoðanda sem kann allar flækjur og undanbrögð sem þarf til að þetta RSK félag getur ekkert svindlað á mér *púkaglott*

[Gerða Kristjáns, 1.3.2007 kl. 22:55]

hahaha

[Vilborg Eggertsdóttir, 2.3.2007 kl. 02:18]

Já og víla ekkert fyrir sér, jafnvel sækja sér tekjur í vasa láglaunafólks, eldri borgara og öryrkja án þess að blikka auga en er þetta ekki skv. ákvörðunar "Spaugsstofunnar við Austurvöll"

[Hugarfluga, 2.3.2007 kl. 13:12]

Heyr heyr!! Hef aldrei opnað bréf frá þeim, hef heyrt að þau geti líka innihaldið mittisband! Eða var það miltisbrand?

[Ólafur fannberg, 5.3.2007 kl. 12:23]

bréf frá þeim fer héðan frá beint í fröken rusl